०२ असोज, २०७८
    {
राजनीति

संसदको आठौँ अधिवेशन २० घन्टा १५ मिनेट चल्यो, नवौँ अधिवेशनको आयु कति ?

  • Puleso
  • २०७८ भदौ २३ बुधबार
संसदको आठौँ अधिवेशन २० घन्टा १५ मिनेट चल्यो, नवौँ अधिवेशनको आयु कति ?

तत्कालीन प्रधानमन्त्री केपी शर्मा ओलीले ८ जेठमा विघटन गरेको प्रतिनिधिसभा सर्वोच्च अदालतको परमादेशबाट २८ असारमा ब्यूँतियो । फैसलासँगै कांग्रेस सभापति शेरबहादुर देउवा प्रधानमन्त्री बने ।

उनी नेतृत्वको सरकारले आह्वान गरेको आठौँ अधिवेशन १० वटा बैठकमा सीमित भएर अन्त्य भएको थियो । उक्त अधिवेशन जम्मा २० घन्टा १५ मिनेट चलेको थियो ।

बिहीबारबाट सदनको नवौँ अधिवेशन सुरु हुँदैछ । तर, यो अधिवेशनको आयुका बारेमा पनि विभिन्न अडकालबाजी सुरु हुन थालेकाे छ ।

ओली सरकारले विघटन गरेको प्रतिनिधिसभा पुनर्स्थापना गर्नुपर्ने माग बमोजिम सर्वोच्चले परमादेशबाट सम्बोधन गरेपछि सुरु भएको आठौँ अधिवेशनलाई सरकारलाई ‘विजनेस’दिन नसकेको नजिरका बीच नवौँ अधिवेशनका बारेमा विभिन्न अडकलबाजी भएकाे हाे ।

३ देखि ३२ साउनसम्म २९ दिनको समयसीमा सरकारले कुनै पनि विधेयक दर्ता नगरी हठात संसद अधिवेशन स्थगित गरेको थियो । संसद स्थगित गरे लगत्तै एमाले र जनता समाजवादीलाई विभाजन गर्ने उद्देश्यसहित सरकारले राजनीतिक दलसम्बन्धी अध्यादेश जारी गरेको थियो, जसमा प्रमुख प्रतिपक्ष दल एमालेले विरोध जनाउँदै आएको छ । र दुबै दल विभाजन पनि भए ।

राजनीतिक दलसम्बन्धी अध्यादेश जारी गरेको तथा पार्टी गतिविधिविरुद्ध लागेका आफ्ना सांसदलाई निस्कासन गर्न लेखेको पत्रलाई सभामुख अग्निप्रसाद सापकोटाले अस्वीकार गरेको प्रति क्षुब्ध एमाले संसदका कारबाही कसरी अगाडि जान देला ? भन्ने आमचासो छ ।

तर, प्रमुख प्रतिपक्षी दलका नेता केपी शर्मा ओलीले सभामुख सापकोटाको भूमिकालाई लिएर सार्वजनिक रूपमा नै आपत्ति जनाउँदै आएका छन् भने एमाले संसदीय दलका उपनेता सुवासचन्द्र नेम्वाङले पनि ‘सभामुखका कारण संसद सहजै चल्ने अवस्था नभएको’ टिप्पणी गरिसकेका छन् ।

सभामुखको भूमिकाका कारण संसदलाई सहजै चल्ने अवस्था नदेखिएपछि प्रधानमन्त्री देउवाले आफ्ना दूतका रूपमा कानुन, न्याय तथा संसदीय मामिलामन्त्री ज्ञानेन्द्रबहादुर कार्कीलाई गत साता एमाले अध्यक्ष ओली र नेम्वाङलगायतसँग भेटघाट गर्न पठाएका थिए । ओली र नेम्वाङले सत्तापक्षको व्यवहारमा भर पर्ने प्रतिक्रिया दिएर कार्कीलाई पठाएका छन् ।

प्रधानमन्त्री देउवाले बजेटसम्बन्धी अध्यादेश पारित गराउन आफू तयार रहेको तर त्यसका लागि एमाले प्रतिनिधिसभा नियमावलीका केही अंश निलम्बन गर्न तयार हुनुपर्ने सर्त तेर्साएका छन् ।

संसद पुनर्स्थापना भएपछि कुनै पनि विधेयक पेस नगरी २० घन्टा १५ मिनेट मात्रै चलेको आठौँ अधिवेशन पश्चात साेही राजनीतिक परिदृष्यमा नवौँ अधिवेशन आज बुधबारबाट सुरु हुँदैछ । प्रमुख प्रतिपक्ष दल एमालेले खेल्ने सक्ने सम्भावित भूमिकाले संसद अधिवेशनको आयु जोडिने देखिन्छ ।

थप जानकारी

प्रतिक्रिया

छुटाउनुभयो कि?

सेयर बजार राताम्मे, ५०.१३ अंकको गिरावट

काठमाडौं । बिहीवार साताको पाँचौं दिन सेयर बजार राताम्मे भएको छ ।

  • Puleso
  • २०७८ भदौ १७ बिहीबार
सेयर बजार राताम्मे, ५०.१३ अंकको गिरावट

आज राति काठमाडौंमा भारी वर्षाको सम्भावना

आज बुधबार राति काठमाडौं उपत्यका र त्यस आसपासका क्षेत्रमा भारी वर्षाको सम्भावना छ । 

न्यून चापीय  प्रणालीका कारण राति उपत्यकामा केही समय भारी वर्षाको सम्भावना रहेको मौसम पूर्वानुमान महाशाखाका मौसमविद्...

  • Puleso
  • २०७८ भदौ २३ बुधबार
आज राति काठमाडौंमा भारी वर्षाको सम्भावना

विश्वमा आजः निक्सनलाई सफाइदेखि द्वितीय विश्व...

आज सेप्टेम्बर ८ । आजको दिन विश्व इतिहासमा केही राजनीतिक तथा सामाजिक घटनाक्रम विकसित भएका थिए ।  प्रस्तुत छ आज भएका केही विश्व घटनाः

युगोस्लाभियाबाट म्यासेडोनिया स्वतन्त्र
चारैतिर मरुभूमिले घेरेको...

  • Puleso
  • २०७८ भदौ २३ बुधबार
विश्वमा आजः निक्सनलाई सफाइदेखि द्वितीय विश्व युद्धमा जापानको आत्मसर्मपण

ह्याट्रिकमा नेदरल्यान्ड र नर्वेको सहज जित

कतार फिफा विश्वकप छनोट अन्तर्गत युरोपेली छनोट खेलमा स्ट्राइकर मेम्फिस डिपाए र यर्लिङ हालाण्डको ह्याट्रिकमा नेदरल्यान्ड र नर्वेले सहज जित निकालेका छन् ।

मंगलबार राति भएको समूह 'जि'को  छुट्टाछुट्टै खेलमा घरेलु...

  • Puleso
  • २०७८ भदौ २३ बुधबार
ह्याट्रिकमा नेदरल्यान्ड र नर्वेको सहज जित