विश्वकपको उदघाटन खेलमा आयोजक कतार पराजित

खेलकुद / समाचार

विश्वकपको उदघाटन खेलमा आयोजक कतार पराजित

पुलेसो
२०७९ मंसिर ०५ सोमबार

काठमाडौं - आयोजक कतार फिफा विश्वकप २०२२को उद्घाटन खेलमा इक्वेडरसँग २–० गोलको नतिजामा पराजित भएको छ ।

आईतबार अल ब्याट स्टेडियममा सम्पन्न खेलको १६औं मिनेटमा पेनाल्टी मार्फत गोल गर्दै इक्वेडरले सुरुआती अग्रता बनाएको थियो ।कतारका गोलकिपर साद अल्सिबले फाउल गरेपछि पाएको पेनाल्टिमा इकवेडरका कप्तान इनर भ्यालेन्सियाले गोल गरेका थिए ।भ्यालेन्सियाले ३१औं मिनेटमा दोस्रो गोल गर्दै इक्वेडरको अग्रता २–० बनाएका थिए ।

पहिलो हाफमा लिएको अग्रतालाई खेलको अन्तिम समयसम्म कायम राख्दै इक्वेडरले विश्वकपको उद्घाटन खेलमा उत्कृष्ट जित निकालेको हो ।जितसँगै समूह एमा तीन अंक जोड्दै इक्वेडर शिर्षस्थानमा रहेको छ ।

अफ्रिकी कप अफ नेसन्स च्याम्पियन सेनेगेल र युरोपको शत्तिशाली नेदरल्याण्ड्स रहेको समूहमा परेको कतारलाई इक्वेडरसँगको खेल सहज मानिएको थियो । तर कतारले आशा गरे अनुसार खेल्न सकेन ।