काठमाडौँ - गीतकार एवं चलचित्र निर्देशक स्वर्गीय चेतन कार्कीको रचनामा रहेको गीत ‘काफल गेडी’ सार्वजनिक भएको छ ।

नेपाली पूर्वीय मौलिक लोकलयका आधारमा बनेको गीतमा नारायण ओलीको सङ्गीत र गायिका माधवी अर्यालको स्वर रहेको छ ।गीतलाई श्यामस्वेत रसाइलीले एरेन्ज गरेको छ ।नायिका केकी अधिकारीको अभिनय रहेको गीतको भिडियोमा गीतको भावअनुसार गाँउले परिवेश र साथीसंगीहरुको संगतमा रहेको देखाइएको छ ।

निकेश खड्काको निर्देशनमा बनेको भिडियोमा उत्तम हुमागाई को छायांकन र विकास धमलाको सम्पादन रहेको छ । गीतको भिडियोलाई गायिका माधवी अर्यालको अफिसियल युट्युब च्यानल मार्फत सार्वजनिक गरिएको हो ।