निशा चुनारा 

महेन्द्रनगर । कञ्चनपुरस्थित माइती नेपालले एचआईभी एड्सको संक्रमणका कारण निधन भएका व्यक्तिहरूको सम्झनामा दिप प्रज्वलन गरेको छ ।

३८औँ विश्व एड्स दिवसको अवसर पारेर सोमबार दोधारा–चाँदनी नगरपालिका–४ स्थित झुलुङ्गे पुलमा माइती नेपाल कञ्चनपुरले श्रद्धाञ्जली कार्यक्रमका रूपमा दिप प्रज्वलन गरेको हो ।

माइती नेपाल कञ्चनपुरकी संयोजक महेश्वरी भट्टले एड्सका कारण ज्यान गुमाएकाहरूको सम्झनामा कार्यक्रम आयोजना गरिएको बताइन् । उनले एड्स एक सामान्य रोग भए पनि समाजमा अझै यसप्रति हेर्ने दृष्टिकोण नकारात्मक रहेको उल्लेख गरिन् ।

उनका अनुसार माइती नेपालले एचआईभी एड्स नियन्त्रण तथा रोकथामका लागि निरन्तर सचेतनामूलक गतिविधिहरू सञ्चालन गर्दै आएको छ । “एचआईभीरएड्ससम्बन्धी सही जानकारीको प्रचार–प्रसार र संक्रमित व्यक्तिप्रति सम्मानजनक व्यवहार अत्यावश्यक छ,” उनले भनिन् ।

कार्यक्रममा स्थानीय जनप्रतिनिध,  सामाजिक अभियन्ता तथा सरोकारवाला निकायका प्रतिनिधि तथा स्थानीयको उपस्थिति रहेको थियो ।