भीमदत्त ०२ भदौ । कञ्चनपुरको दोधरा चाँदनीमा निर्माण हुन लागेको दोधरा चाँदनी सुख्खा बन्दरगाहको शिलान्यास गर्ने तयारी गरिएको छ । नेपाल सरकार उद्योग वाणिज्य तथा आपुुर्तिमन्त्री दामोदर भण्डारीले प्रधानमन्त्री आशन्न भारत भ्रमणमा सुख्खा बन्दरगाहको शिलान्यास गर्ने तयारी भईरहेको बताउनु भयो ।

उहाँले सोमबार सुख्खा बन्दरगाह निर्माणस्थलको निरिक्षण गदैँ यस्तो बताउनु भएको हो । ‘सुदूरपश्चिमै महत्वपुर्ण आयोजना दोधराचाँदनी सुख्खाबन्दरगाह लामो प्रतिक्षापछि सुरु गर्ने पक्रियामा हामी अगाडी बढेका छौँ ।’ मन्त्री भण्डारीले भन्नुभयो । ‘तीन अर्व ८० करोडको लागतमा बन्ने गरि ठेक्का सम्झौता भईसकेको छ, सम्माननीय प्रधानमन्त्रीका आउँदो भारत भ्रमका क्रममा दुई देशका प्रधानमन्त्रीको तर्फबाट शिलान्यास गर्ने गरि कार्यक्रम तय भएको छ ।’
साथै नेपालले भारतका अन्य व्यापारिक पोर्ट प्रयोगका लागि पनि भारतीय पक्षसँग सकारात्मक रुपमा छलफल अगाडी बढेको पनि बताउनु भयो । ‘पश्चिम नेपालको सिमासँग नजिक रहेको भारतको मुन्द्रा पोर्ट हाम्रो प्राथमिकतामा छ । उहाँले भन्नुभयो ‘तेसो मुलुकसँग सबैभन्दा छोटो व्यापारिक निकता हुनेछ, यसले  अन्तरदेशिय व्यापारमा सहज हुनेछ ।’

साथै तीन वर्षभित्र निर्माण कार्य सम्पन्न हुने पनि उहाँले दावि गर्नुभयो । दोधरा चाँदनीमा भारत सरकारको आर्थिक तथा प्राविधिक सहयोगमा सुख्खा बन्दरगाह निर्माण काम अघि बढेको हो । यसले सुदूरपश्चिमकै आर्थिक समृद्धीमा महत्वपुर्ण भुमिका खेल्ने अपेक्षा गरिएको हो ।