महेन्द्रनगर । कञ्चनपुरको वेदकोट नगरपालिका–१० स्थित महाकाली सिचाँई आयोजनाको नहरमा हाम फालेका एक युवक मृत फेला परेका छन् । मंगलबार दिउँसो वेदकोट नगरपालिका–१० बस्ने २० वर्षीय बलभद्र रानाले बल्मा नदी नजिकै रहेको सिचाँई नहरको साईपनबाट हाम फाल्दा बेपत्ता भएका राना बुधकार बिहान फेला परेका हुन् ।

कञ्चनपुरका प्रहरी प्रवत्ता सागर बोहराले बेपत्ता रानाको खोजीको क्रममा रानाको शव घटनास्थलको दुई सय ५० मिटर पुर्व नहरमा भेटिएको बताए । उनका अनुसार मानसिक समस्याका कारण निममित परिवारको निगरानीमा रहेका रानाले  परिवार छलेर नहरमा हाम फालेका थिए ।

घटना लगत्तै कञ्चनपुरका प्रहरी नायब उपरीक्षक (डिएसपी) बोहराको कमाण्डमा १२ जनाको टोलीले खोजी कार्य गरेको थियो ।