काठमाडौं । भारतको कानपुर–दिल्ली उडान मुसाका कारण झण्डै तीन घण्टा ढिला भएको  छ। क्याबिनमा मुसा देखिएपछि उडान तीन ढिला भएको भारतीय सञ्चारमाध्यमले जानकारी दिएका छन्।  

मुसा खोज्न सबै यात्रुलाई जहाजबाट ओरालिएको थियो। मुसा हटाएपछि मात्र उडान भएको थियो। दिल्ली–कानपुर इन्डिगो उडान स्थानीय समयअनुसार आइतबार दिउँसो २ः१० बजे चकेरी विमानस्थलमा अवतरण गरेको थियो।

उक्त विमान २ः५० बजे प्रस्थान गर्ने तालिका थियो। उडानअघि चालक दलका एक सदस्यले क्याबिनमा मुसा दौडिरहेको देखे। उक्त उडानमा १७२ यात्रु थिए।

उनले वरिष्ठ अधिकारीलाई जानकारी गराए र उडान रोकियो। अनि यात्रुलाई सुरक्षाका लागि जहाजबाट ओरालेर लाउन्जमा पठाइयो। त्यसपछि ग्राउन्ड क्रू र प्राविधिक कर्मचारीले मुसा खोजी अभियान चलाए। करिब तीन घण्टापछि मुसा समातेर हटाइयो। त्यसपछि विमान ४ः५० बजे दिल्लीतर्फ उड्यो। एजेन्सी